செங்கலடி கறுத்தபாலம் வயல் பிரதேசத்தில் நேற்று நள்ளிரவு இடம்பெற்ற துயரச் சம்பவத்தில், குடும்பஸ்தர் ஒருவர் காட்டு யானை தாக்குதலுக்கு உள்ளாகி உயிரிழந்துள்ளார். இச்சம்பவம் அப்பகுதி மக்களிடையே அதிர்ச்சியையும் அச்சத்தையும் ஏற்படுத்தியுள்ளது.
கிடைத்த தகவல்களின் படி, உயிரிழந்தவர் தனது வயலில் விதைப்பு பணிக்காக கொண்டு வரப்பட்ட விதை நெல்லை பாதுகாக்கும் நோக்கில் வயல் வாடியில் இரவு காவலில் நின்றிருந்தார் அச்சமயம் திடீரென காட்டு யானை ஒன்று வயல் பகுதியில் நுழைந்து, அவரை தாக்கியுள்ளது. தாக்குதலின் தீவிரத்தால் அவர் சம்பவ இடத்திலேயே உயிரிழந்ததாக தெரிவிக்கப்படுகிறது.
இச்சம்பவம் இடம்பெற்ற பகுதி சமீப காலமாக காட்டு யானைகளின் அலைச்சல் அதிகரித்துள்ள இடமாகக் கருதப்படுகிறது. குறிப்பாக, விவசாய காலங்களில் யானைகள் வயல்களில் நுழைந்து பயிர்களை சேதப்படுத்துவதோடு, மனிதர்களின் உயிருக்கும் அச்சுறுத்தலாக மாறிவருகின்றன. இதனால் விவசாயிகள் இரவு நேரங்களில் வயல்களில் தங்கி காவல் காக்க வேண்டிய கட்டாயத்தில் உள்ளனர்.
உயிரிழந்தவரின் உடல் மேலதிக விசாரணைகளுக்காக மருத்துவமனைக்கு அனுப்பப்பட்டுள்ளது சம்பவம் தொடர்பான விசாரணைகளை பொலிஸார் மேற்கொண்டு வருகின்றனர் மேலும், வனஜீவராசிகள் திணைக்கள அதிகாரிகள் சம்பவ இடத்திற்குச் சென்று நிலைமையை ஆய்வு செய்துள்ளனர்.
அப்பகுதி மக்கள், காட்டு யானை பிரச்சினைக்கு நிரந்தரத் தீர்வு காண அதிகாரிகள் உடனடி நடவடிக்கை எடுக்க வேண்டும் என வலியுறுத்தியுள்ளனர். இரவு நேரங்களில் வயல்களில் பணிபுரியும் விவசாயிகளின் பாதுகாப்பை உறுதி செய்வதற்கான நடவடிக்கைகள் அவசியமாக இருப்பதாகவும் அவர்கள் தெரிவித்துள்ளனர்.
இந்த துயரச் சம்பவம், மனிதர்-யானை மோதல் பிரச்சினையின் தீவிரத்தை மீண்டும் வெளிப்படுத்துவதோடு, உயிர் பாதுகாப்பு நடவடிக்கைகள் குறித்து அவசர கவனம் தேவை என்பதை நினைவூட்டுகிறது.
0 Comments