க.பொ.த உயர்தரப் பரீட்சை பெறுபேறுகள் வெளியானது

 

க.பொ.த உயர்தரப் பரீட்சை பெறுபேறுகள் சற்றுமுன் வெளியாகியுள்ளதாக இலங்கைப் பரீட்சைகள் திணைக்களம் தெரிவித்துள்ளது.

அதற்கமைய பரீட்சை திணைக்களத்தின் உத்தியோகபூர்வ இணையத்தளமான https://www.doenets.lk/examresults இல் பெறுபேறுகளை பார்வையிடலாம்

இந்தப் பரீட்சைக்கு 278,196 பாடசாலை பரீட்சாத்திகளும் 53,513 தனியார் பரீட்சாத்திகளும் தோற்றியிருந்தமை குறிப்பிடத்தக்கது.

A/L பரீட்சை முடிவுகள் இன்று வெளியாகுமா?

2022 ஆம் ஆண்டுக்கான க.பொ.த உயர்தரப் பரீட்சையின் பெறுபேறுகள் இன்று வெளியாகும் என எதிர்பார்ப்பதாக பரீட்சைகள் திணைக்களத்தின் உயர் அதிகாரி ஒருவர் தெரிவித்துள்ளார்.

விடைத்தாள் மதிப்பீட்டுப் பணிகள் நிறைவடைந்துள்ளதாக பரீட்சைகள் திணைக்களம் தெரிவித்துள்ளது.

A/L பரீட்சை விடைத்தாள் மதிப்பீட்டுப் பணிகள் தொடர்பான பல சிக்கல்களை அதிகாரிகள் ஆரம்பத்தில் இருந்தே எதிர்கொண்டனர்.

பல்கலைக்கழக விரிவுரையாளர்கள் மற்றும் ஆசிரியர்களின் கொடுப்பனவு பாரிய அதிகரிப்புக்கான கோரிக்கைகள் அதிகாரிகளால் நிராகரிக்கப்பட்டதையடுத்து ஆரம்பத்தில் விடைத்தாள் மதிப்பீட்டுப் பணிகள் நடவடிக்கைகளில் இருந்து விலகினர்.

அதைத் தொடர்ந்து, உதவித்தொகை அதிகரிக்கப்பட்டதுடன் விடைத்தாள் மதிப்பீட்டுப் பணிகளை தொடங்க ஆசிரியர்கள் ஒப்புக்கொண்டனர்.

எவ்வாறாயினும், பல்கலைக்கழக விரிவுரையாளர்கள் தொடர்ந்து வேலைநிறுத்தத்தில் ஈடுபட்டதால் மேலும் தாமதம் ஏற்பட்டது.

ஏறக்குறைய 20,000 ஆசிரியர்களும் 1,100 பல்கலைக்கழக விரிவுரையாளர்களும் மதிப்பீட்டுப் பணிகள் நடவடிக்கைகளில் பங்குகொண்டனர்.

தினமும் செய்திகளுடன் இணைந்து கொள்வதற்கு👉 

https://chat.whatsapp.com/KGLkRIkHz4A47YytsKqt9F