களுத்துறை தெற்கு பொலிஸ் பிரிவுக்குட்பட்ட பதினைந்து கடைகளை உடைத்து பல லட்சம் ரூபா பெறுமதியான உலர் உணவுகளை திருடிய ஆங்கில ஆசிரியர் உட்பட இருவரை பொலிஸார் கைது செய்துள்ளனர். இந்த ஆங்கில ஆசிரியர் பண்டாரகம பிரதேசத்தில் திருட்டு பொருட்களை சேகரித்து கடையொன்றை நடத்தி வருவதாகவும் சந்தேகநபர் அந்த கடையில் அனைத்து பொருட்களும் ஒரே கூரையின் கீழ் இருந்த பலகையை பொருத்தியுள்ளதாக களுத்துறை தெற்கு பொலிஸார் தெரிவித்தனர்.
களுத்துறை தெற்கு பொலிஸ் பிரிவுக்குட்பட்ட பகுதியில் பால் மா, சீனி, பருப்பு, செம்மண், எரிவாயு சிலிண்டர்கள் மற்றும் பல பொருட்கள் திருடப்பட்டமை தொடர்பில் பல முறைப்பாடுகள் பதிவு செய்யப்பட்டுள்ளன.
பிரதான பொலிஸ் பரிசோதகர் ருவன் விஜேசிங்க களுத்துறை தெற்கு பொலிஸ் நிலைய கட்டளைத்தளபதியாக நியமிக்கப்பட்டதன் பின்னர், இவ்வாறான பல திருட்டு சம்பவங்கள் தொடர்பில் பொலிஸ் குற்றப்பிரிவின் தீவிர பங்களிப்புடன் விரிவான விசாரணை ஆரம்பிக்கப்பட்டது.
விசாரணையில் தெரியவந்த உண்மைகள் மற்றும் பாதுகாப்பு கமெரா காட்சிகளின் அடிப்படையில் இந்தத் திருட்டில் தொடர்புடைய பிரதான சந்தேகநபராக அரச பாடசாலை ஒன்றின் ஆங்கில ஆசிரியர் ஒருவர் கைது செய்யப்பட்டுள்ளார். மேலும், இதற்கு ஆதரவு தெரிவித்த ஒருவரும் கைது செய்யப்பட்டார்
சந்தேகநபர்களிடம் மேற்கொள்ளப்பட்ட விசாரணையில், திருடப்பட்ட பொருட்களை ஆங்கில ஆசிரியரின் பண்டாரகம பகுதியில் அமைந்துள்ள கடையொன்றுக்கு கொண்டு சென்று வேறு வெளி தரப்பினருக்கு விற்பனை செய்யாமல் விற்பனை செய்துள்ளதாக தெரியவந்துள்ளது.
மேழும் தகவலுக்கு உள்ளே 🫵
0 Comments